Arslan.mn

Цагдаагийн ерөнхий газраас сэрэмжлүүлэг гаргалаа. Сэрэмжлүүлэгт "Gabriel Kante" гэх хуурамч хаягнаас “Хоёрдугаар сарын 25-наас гуравдугаар сарын 12-ныг хүртэл АНУ-ын Засгийн газар Дэлхийн банктай хамтран дэлхийн ядуурлыг бууруулахад туслах зорилгоор Монголын нийт хүн амд 38,000,000-ыг гэр бүлийн буцалтгүй тусламжаар олгохоор боллоо” гэсэн утга бүхий хуурамч мэдээллийг албан мэдээллийн зураг ашиглан сошиал орчинд тарааж байна.

Энэхүү мэдээлэл нь ор үндэслэлгүй бөгөөд үүнд хавсрагдсан Онцгой байдлын байгууллагын хувцастай хүмүүсийн хандив хүлээн авч байгаа зураг нь 2017 онд болсон ой, хээрийн түймрээс урьдчилан сэргийлэхэд зориулж иргэд, аж, ахуйн нэгж, байгууллагаас өгч байсан хандивын зураг болно. Иймд мэдээллийн харагдах байдалд хууртан, залилангийн гэмт хэргийн хохирогч болохоос урьдчилан сэргийлэхийг анхааруулж байна" гэжээ.