Arslan.mn

Баянзүрх дүүргийн Онцгой Комиссоос Дарь-Эхэд үерт өртсөн өрхүүдэд таван сая төгрөгийн дэмжлэг олгох санал гаргасан. 

Үүнтэй холбоотойгоор тус дүүргийн ИТХ-ын 14 дүгээр ээлжит хуралдаан өнөөдөр болж, үерт өртсөн 280 өрх бүрд таван сая төгрөгийн нэг удаагийн тусламж үзүүлэхээр шийдвэрлэсэн байна. 

Баянзүрх дүүргийн ИТХ-ын дарга А.Баяр "280 өрх тус бүрд 5 сая төгрөг олгож байгаа шийдвэр ирээдүйд сайн, муугийн аль нэгээр яригдаж үлдэнэ. Үерийн улмаас өнчирч үлдсэн, өндөр настан эмнэлэгт хэвтэж байхад нь үерт гэр нь урссан, гэх мэт айлаар дамжиж хоног төөрүүлж байгаа иргэд цөөнгүй байна.  иймээс бид дүүргийн ИТХ-ын төлөөгчид газар дээр нь ажиллан шийдвэр гаргасан.Гэхдээ энэ шийдвэрийг гаргахад улс төржилт бус 21,27,29-р хорооны өрх толгойлсон эхчүүд, хөгжлийн бэрхшээлтэй иргэд, бяцхан хүүхдүүдийг бодож хүний анхан шатны хэрэгцээ талаас нь харж шийдвэрлэсэн юм шүү" гэв.