Arslan.mn

Нисэх-Яармаг-Энхтайваны гүүр чиглэлийн замын нэгдүгээр эгнээг тусгаарлаж, автобус зорчих хэсэг гаргасан. Ингэснээр түгжрэл буурч, нийтийн тээврийн эргэлтийн хурд нэмэгдэж, хувийн унаанаас татгалзах иргэд ихсэх үр дүнтэй болохыг албаныхан онцолсон. Гэтэл энэ ажлын үр дүн иргэдэд харагдахгүйгээр үл барахгүй тэдний ажлыг уяж, иргэд автобус хүлээн хэдэн цагаар зогсох болов. Байшин хороолол ихээр баригдах болсон Яармагийн шинэ бүсээс хотын төвийг зорих олны хөл өдөр, шөнийн алинд ч тасардаггүй. Гэтэл түгжрэлийг бууруулах нэрийн дор нэгдүгээр эгнээг тусгаарласныг тухайн бүсийн иргэд эсэргүүцэж, цахим орчинд санал бодлоо илэрхийлж эхлээд байна. 

Тэгвэл 950 гаруй сая төгрөгийн үнэлгээтэй нийт 12 мянган метр урт хашааг замын нэгдүгээр эгнээг тусгаарлаж тавьсан хаалтыг буулгахгүй, цаашид үргэлжлүүлнэ хэмээн албаныхан мэдэгдээд байна.