Arslan.mn

Улаанбаатар хотын авто замын түгжрэлийг бууруулах нэгдсэн төсөл хэрэгжүүлэх нэгжийн захирал Ч.Батзориг төсвийн 6 сая төгрөгөөр "Irish pub"-д хуулийн төслийн хэлэлцүүлэг хийжээ.

Тодруулбал, 2023.07.04-ны өдөр "ГРАНДХААН АЙРИШ ПАБ"-д 6 сая төгрөгийг хуулийн төслийн хэлэлцүүлгийн төлбөр гэж шилжүүлжээ.

Мөн төсвийн мөнгөнөөс  "хуулийн зөвлөх үйлчилгээний төлбөр" гэх нэрийдлээр 970 сая , Дүүжин тээврийн гэрээнд гарын үсэг зурах арга хэмжээний заалны түрээс нэрийдлээр 12 сая төгрөг зарцуулжээ.

Тухайлбал: 

• 2023-07-04-нд: "ГРАНДХААН АЙРИШ ПАБ"-д хуулийн төслийн хэлэлцүүлэгийн төлбөрт- 6,089,580.00 ₮
• 2023-03-06 -нд: "Ай Си Ти групп" ХК-388,000,000.00 ₮    
• 2023-04-18-нд:  "Ай Си Ти групп" ХК-Замын хөдөлгөөний хураамж зорчилтыг хянах зөвлөх үйлчилгээний 2 дахь төлбөр- 388,000,000.00 ₮     
• 2023-08-22-нд: "Ай Си Ти групп" ХК Замын хөдөлгөөний хураамж, зорчилтыг хянах системийг цахимжуулах техник туслалцааны зөвлөх үйлчилгээний ажил -194,000,000.00 ₮
• 2023-05-18-нд:  Брэйнсторм ХХК- Дүүжин Тээврийн видео шторк-7,000,000.00 ₮
• 2023-04-28-нд: "ТРИДОТ КРЕАТИВ ПАРТНЕРС" ХХК -д  BRT төслийн видео хийх- 7,700,000.00 ₮    
• 2023-04-28-нд: Дүүжин тээврийн гэрээнд гарын үсэг зурах арга хэмжээний заалны түрээс-  12,429,907.00 ₮

Гэвч ХАВСРАЛТ хэсэгт зарлагын гүйлгээний мэдээлэл, ямар зориулалтаар хоол авсан, ямар видео шторк хийлгэсэн, 12 саяын түрээстэй ямар заалыг түрээслэн авсан  талаар мэдээллийг оруулаагүй байна. Өөрөөр хэлбэл шилэн данс хөтлөлт дутуу буюу нууцж байна гэсэн үг.

Товчхондоо, Хотын авто замын түгжрэлийг бууруулах нэгдсэн төсөл хэрэгжүүлэх нэгжийн захирал Ч.Батзориг Төрийн хэмнэлтийн тухай хууль зөрчиж байгаа наад захын жишээ нь энэ.

Засгийн газраас төрийн хэмнэлтийн тухай хууийг зөрчсөн албан тушаалтныг ажил үүргээс нь чөлөөлөх хүртэл арга хэмжээ авна хэмээн мэдэгдсэн билээ.