Arslan.mn

Аравдугаар сарын 9-ний даваа  гарагт болох зарим үйл явдлын тойм:

09:00 цагт:

•  УИХ дахь намуудын бүлэг хуралдана. Байнгын хороодын хуралдаан болно.
• ХААИС-д: “Хот суурин газрын ландшафтын архитектур-2023-Хотын байгальд түшиглэсэн шийдэл” олон улсын хурал болно. “Байгальд түшиглэсэн ландшафтын архитектур төлөвлөлтийн орон зайн шийдэл” үзэсгэлэн “Хатан Туул” театрт 9-10-нд нээгдэж байна.
• Сумдын "Орон нутгийн хөгжлийн сан"-ийн үйл ажиллагаагаа сайжруулсан, иргэдийн оролцоогоо нэмэгдүүлсэн "Сайн туршлага солилцох арга хэмжээ" Новотел зочид буудлын 4 давхарт болно.

10:00 цагт:

•  “Шангри-Ла” зочид буудалд. "Mining week-2023" эхэлнэ. Утас: 9204-9000.
• УИХ-ын Ес зүйн хороо, МУИС хамтран "Нийгмийн ёс зүйн асуудал" хэлэлцүүлэг зохион байгуулна.
• “Зайсан Хилл” цогцолборт "Дэлхийн сансрын 7 хоног” үргэлжилнэ.

11:00 цагт:

• ХҮН намын дэргэдэх Бодлого, судалгааны хүрээлэнгийн судлаачид болон эдийн засагчид ирэх оны Төсөв, мөнгөний бодлогын талаар Төрийн ордонд  мэдээлэл хийнэ.

• Засгийн газрын ордны баруун хаалганд: Эцэг эхчүүдийн төлөөллүүд "Хүүхдийн эсрэг үйлдсэн гэмт хэрэг"-т ялын бодлогыг чангатгах хууль яаралтай батлах талаа УИХ, Засгийн газарт шаардлага хүргүүлнэ.

11:30 цагт:

• Хүн амины хэргийг мөрдөж байсан байцаагч 50 сая төгрөгийн хахууль авсан нь илэрсэн ч торгуулиад өнгөрсөн. “Барс” зах дээр хүүгийнх нь аминд хүрсэн хэрэг илрэхгүй таван жил болж байгаа талаар хохирогчийн ээж, өмгөөлөгч нар Зууны мэдээ мэдээллийн төвд мэдээлэл хийнэ.