Arslan.mn

Өнөөдөр 10:26 цагийн орчимд Баянхошуунд байрлах "Миний" дэлгүүрт томоохон хэмжээний гал гарсан талаар бид мэдээлсэн. Галыг унтраахаар ажиллаж байсан нэг алба хаагч харамсалтайгаар амиа алдаж, хоёр алба хаагч хөнгөн бэртэж, эмнэлэгт хүргэгдсэн юм.

Үүсээд буй нөхцөл байдалтай холбогдуулан яг одоо Нийслэлийн Онцгой байдлын газраас мэдээлэл хийж байна.

Албаныхан  "Гал түймэрт үйлчилгээний зориулалтай гурван давхар /зоорийн 2 давхартай/ 15х10 метрийн хэмжээтэй төмөр бетонон карказ, блокон дүүргэлттэй, хөөсөн пасадтай, барилгын 1-3 давхар өртөж шатсан байна.

100 гаруй албан хаагч ажилласан. Хэргийн газар үзлэг хийгдэж байна.

Амь насаа алдсан албан хаагчийн ар гэрт гүн эмгэнэл илэрхийлье. Албан хаагчдын хувьд хувцас хэрэглэлд дутагдалтай зүйл байгаагүй. Зориулалтын хувцастай үүрэг гүйцэтгэсэн. Түймэрт бусад иргэд өртөөгүй. Нийслэлийн хэмжээнд гал унтраах тоног төхөөрөмж хангалттай бий.

Талийгаач 20 гаруй жил ажилласан. Ар гэртэй нь уулзлаа. 5 хүүхэдтэй хүн." гэв.

Талийгаач өмнө нь түлэгдэл авч, эрүүл мэндийн шалтгаанаар чөлөө аваад эргээд ажилдаа орсон байна. Ар гэрийнхнийх нь өгсөн мэдээллээр алба хаагч тэтгэвэртээ гарах хүсэлтээ удаа дараа өгсөн боловч анги байгууллагын удирдлагаас хүлээж авалгүй явсаар 5 хүүхэд өнчирлөө хэмээн гомдолтой байгаагаа илэрхийлж байлаа.