Arslan.mn

СБД-ийн ЗДТГ-ын дарга Н.Одончимэг өчигдөр буюу энэ сарын 16-ны өдөр  Нэгдсэн эмнэлгийн барилгын ажлын тендертэй холбоотой 55 сая төгрөгийн авлига авч байгаад үйлдэл дээрээ баригдсан гэх мэдээлэл байна.

Тодруулбал, түүнийг  48 цаг саатуулаад байгаа бөгөөд цагдан хориог сунгах эсэхийг прокурорын саналаар шүүх шийдэх аж.

Н.Одончимэг  нь 2013-2017 онд Сүхбаатар дүүргийн Засаг даргын дэргэдэх Худалдан авах ажиллагааны албанд мэргэжилтэн, 2017-2024 онд  Сүхбаатар дүүргийн Засаг даргын дэргэдэх Худалдан авах ажиллагааны албаны дарга, саяхнаас Сүхбаатар дүүргийн Засаг даргын Тамгын газрын даргын албан үүргийг түр орлон гүйцэтгэгчээр томилогдон ажиллаж байгаа юм.