Arslan.mn

Хан-Уул дүүргийн ИТХ-ын анхдугаар хуралдаанаар Хан-Уул дүүргийн Засаг даргад нэр дэвшүүлэх асуудлыг хэлэлцэн Засаг даргаар ажиллаж буй Б.Цэрэнг  томилохоор нэр дэвшүүлж, Нийслэлийн Засаг дарга бөгөөд Улаанбаатар хотын захирагч Х.Нямбаатар батламжилсан байна.

 2020-2024 онд тус дүүргийн Засаг даргаар ажилласан Б.Цэрэн ийнхүү улиран ажиллахаар сонгогдлоо.

Тэгвэл улиран ажиллахаар сонгогдсон Б.Цэрэнгийн  АТГ-т мэдүүлсэн 2023 оны Хөрөнгө орлогын мэдүүлгийг танилцуулъя.

Тэрбээр 2023 оны хөрөнгө орлогын мэдүүлэгтээ “95 сая төгрөгийн орлоготой гэсэн бол гэр бүлийн орлогоо 215 сая хэмээн мэдүүлжээ. 

Мөн тэрээр өөрийн гэсэн ОРОН СУУЦГҮЙ бөгөөд 2.3 сая төгрөгийн хашаа байшин,   43 сая төгрөгийн  Toyota SAI  маркын 2 машинтай,  1 сая төгрөгөөр үнэлэгдэх  газартай, ҮНЭТ ЭДЛЭЛГҮЙ  хэмээн мэдүүлсэн байна.

Мөн 83 сая төгрөгийн  зээлтэй байна.

2020-2024 онд тус дүүргийн Засаг даргаар ажилласан Б.Цэрэнгийн өөрийн орлого  4 жилийн хугацаанд  112 сая төгрөгөөс  95 сая төгрөг болж буурч, харин гэр бүлийн орлого 48 саяас 215 сая төгрөг болж НЭМЭГДЖЭЭ.

Мөн 2021 онд өөрийн нэр дээр  2 орон сууцтай байсан түний хувьд Засаг даргаар ажилласнаар  ҮЛ ХӨДЛӨХ хөрөнгөгүй болжээ.