Arslan.mn

Хотын дарга Х.Нямбаатар "Хороодын Засаг дарга хороондоо эзэн болж, нутаг дэвсгэрийнхээ өнгө, үзэмжийг сайжруул" гэсэн үүрэг даалгаварыг дүүргийн засаг дарга нарт өглөө.

Тэрбээр, "Хашаандаа хог овоолж, газрыг зориулалтын бусаар ашиглаж байгаа газар эзэмшигчдийн газар эзэмших эрхийг цуцал. Ихэнх нь авлигаар, ар өврийн хаалгаар газар авчихсан. Газар дээрээ хог овоолж, агуулах сав болгочихсон. Замын трасс үзээд Хан-Уул, Баянгол, Сонгинохайрхан, Чингэлтэй, Баянзүрх дүүргийн хойд талын гэр хорооллын гудамжаар явлаа. Эзэнгүй удсан машин, энд тэнд байгаа төмрийн сэг, ашиглахаа больсон дугуй, овоолсон хогоо цэгцэл. Гудамжуудаараа явж үз. Хорооны Засаг дарга нар хороондоо эзэн болмоор байна. Засварын төвүүд гээд гаднаа бүх хогоо овоолчихдог байж болохгүй. Хяналтын улсын байцаагчид Засаг дарга нараас ирсэн дуудлага, мэдээллийн дагуу хяналт тавьж ажилла. Төв зам дагуу байршилтай ТҮЦ-үүдээ нүүлгэ. Сүхбаатар дүүрэг Багшийн дээдийн урд талын ТҮЦ-үүдийг энэ долоо хоногт цэгцэл." гэв.