Arslan.mn

Ерөнхий боловсролын сургуулийн сурагчдад хэт их даалгавар өгч, залхаадаг талаар нэгэн ээж цахим хуудаснаа хөнджээ. Тэрбээр " Шөнийн 23:30 минут болж байна. 6-р ангид орсон охин минь 13 цаг гэж яваад 19:00-т тараад, гэртээ ирдэг. Гэр сургуулийн хажууд тулдаа 19:00-т ирдэг. Холоос явдаг хүүхдүүд нь 20:00 цагт, зарим нь тэрнээс ч оройтож гэртээ харьж байгаа. Дөнгөж одоо 11-тэй хүүхдүүд шүү дээ. Орж ирэнгүүтээ гар нүүрээ угаачихаад хоолоо бараг ууж байгаа юм шиг хурдан идчихээд, хичээлээ бариад сууна.

Даалгавраа хийсээр байгаад шөнө 00:00 цаг өнгөрөөж унтаж байна. Өглөө босч үлдсэн даалгавараа хийнэ. Хэлнийхээ сургалтанд явна. Арай гэж нэг юм англи хэлний сургалтанд долоо хоногт 3 удаа явж байна. Сүүлдээ хичээлээ хийж амжихгүй сургалтандаа суулгахаа больдог ч юм уу гэж бодох...

Зарим багш нар арай л дэндүүлэх юм даа. Зөвхөн өөрөө ганцаараа хичээл заадаг аятай хэдэн хуудас хуудас бичих , бодох ,орчуулах юм өгөх юм. Бүх багш нар нь даалгавараар булна. Охины минь үс туг тугаараа унаж яг л хөхүүл ээж шиг үс угаах болгондоо багсайсан үс унадаг боллоо. Зарим хүүхэд ядаргаанд ороод, сууж хичээл хийсээр байгаад цагаан мах нь эргэсэн дуулдана лээ.

Ингэтэл хүүхдийг ядрааж залхааж сургана гэдэг байж боломгүй баймаар. Найз нөхөдтэйгөө тоглох цаг юу ч байхгүй.

Хэтэрхий их ачааллаар дардаг, тамалдаг, залхаадаг энэ хоцрогдсон тогтолцоогоо өөрчилж, боловсролоороо тэргүүлдэг улсын боловсролын тогтолцоог шууд хуулаач!" хэмээжээ.