Arslan.mn

Зуун буудалт даамын өсвөр үеийн дэлхийн аварга шалгаруулах тэмцээнээс таван алтан медаль хүртэж багийн дүнгээр түрүүлсэн манай тамирчид өнөөдөр эх орондоо ирлээ. Тодруулбал 2024 оны есвер үе, залуучуудын дэлхийн аварга шалгаруулах 100-буудалт даамын тэмцээн аравдугаар сарын 25-аас арваннэгдүгээр сарын 2-ны өдрүүдэд Польш Улсын Шкалярска Пореба хотод зохион байгуулагдав. Тус тэмцээнд Монгол Улсаас 23 тамирчин таван насны ангилалд өрсөлдсөн юм. Тэгвэл уг тэмцээнээс манай тамирчид таван алт, гурван мөнгө, хоёр хүрэл медаль хүртэж, багийн дүнгээр гурав дахь жилдээ аварга боллоо. 

• С. Намужин -Алтан медаль
• Б.Оюун -Үжин Мөнгөн медаль
• Б.Алтан-Эрдэнэ -Хүрэл медаль
• Г.Дэлгэрмаа - Алтан медаль
• М.Элбэгсайхан -Алтан медаль
• Д.Ангараг -Мөнгөн медаль
• Б.Тамир -Алтан медаль
• Б.Ганхүү - Мөнгөн медаль
• Н.Түвшинбаяр - Алтан медаль
• Э.Энххүслэн -Хүрэл медаль тус тус хүртэв.