Arslan.mn

Иргэн Б.Сүндэръяа өөрийгөө хүчирхийлэл өртсөн талаар дөрөвдүгээр сарын 11-ний өдөр олон нийтийн сүлжээн дэх цахим хаягаараа мэдээлсэн байдаг. Үүнтэй холбоотойгоор иргэн Б.Сүндэръяа өмгөөлөгчийн хамт өчигдөр ЦЕГ-т өргөдөл өгсөн билээ. Мэдээллийнхээ үеэр "УИХ-ын гишүүн Ц.Анандбазарын хүчирхийлэл, заналхийлэлд автсан 1000 гаруй эмэгтэй нэгдсэн"  хэмээн мэдэгдсэн. 

Тэгвэл цахим хуудсанаа бичсэн постноос үүдэлтэй олон олон эмэгтэйчүүд олон нийтийн сүлжээнд дуу хоолойгоо илэрхийлж байна. Гэтэл хачирхалтай нь тэдний дунд өнөө биднийг тэр дундаа эмэгтэйчүүдийн асуудал дээр хамгийн эмзэгээр хандана хэмээгээд ордонд заларсан эмэгтэй гишүүд таг дүлийрчихсэн, сохорчихсон мэт дуугүй суусаар... Ганц хоёрхон нь постноос хэтэрсэнгүй. 

Үүнээс гадна мундаг сэтэртэй "Монголын эмэгтэйчүүдийн холбоо"-ны тэргүүн Б.Оюунгэрэл гэх хатагтай баяр ёслолоор хэдэн тэмдэг тараахаас өөр ажилгүй тэр ч мөн энэ асуудал дээр ч ганц үг ган гэхгүй байгаа нь үнэхээр халагламаар... Эмэгтэйчүүдийн өмнөөс ичиж үхмээр...