Arslan.mn

ЭХЭМҮТ-ийн Эх барих, эмэгтэйчүүдийн яаралтай тусламжийн тасаг, Хүүхдийн Яаралтай тусламжийн тасаг ISO 9001:2015 Чанарын удирдлагын тогтолцооны хоёр дахь шатны үнэлгээг амжилттай хамгаалсан тухай ЭХЭМҮТ-ийн Ерөнхий захирал Ш.Энхтөр цахим хуудаснаа мэдээлжээ.

Энэхүү үнэлгээг олон улсад нэр хүнд бүхий аудитын байгууллага болох ХБНГУ-ын "DQS" компанийн тэргүүлэх аудитор цахимаар өнгөрсөн сарын 30,31-нд хийж гүйцэтгэсэн байна. ЭХЭМҮТ-ийн Яаралтай тусламжийн тасгууд ISO 9001:2015, чанарын удирдлагын тогтолцооны стандартын шаардлагыг хоёр дахь удаагаа анхааруулга нөхцөлгүйгээр 100 хувь хангажээ.