Arslan.mn

Манай улсын хувьд энэ жилийн томуугийн эсрэг вакциныг есдүгээр сарын сүүлчээр эхлүүлэх төлөвлөгөөтэй байна гэж ЭМЯ-ны Нийгмийн Эрүүл мэндийн газрын дарга Т.Энхзаяа мэдээлсэн. Энэ удаа БНСУ-ын Green Cross компанид үйлдвэрлэсэн гурван цэнт вакцин ирэх аж.

Бид энэ удаа  томуугийн вакцин хийх эмнэлгүүд болон үнийн талаарх мэдээллийг хүргэж байна.

ХӨСҮТ-д хэзээ вакцин хийгдэх нь одоогоор тодорхойгүй байгаа аж.

Хувийн эмнэлгүүдийн хувьд,

• “Интермед" эмнэлэг томуугийн эсрэг вакциныг /3-аас дээш нас/ 46 мянган төгрөгөөр, өдөр бүр 20:00 цаг хүртэл,
• “Улаанбаатар сонгдо” эмнэлэг есдүгээр сарын 1-нээс томуугийн эсрэг вакциныг /3-аас дээш нас / 48 мянган төгрөгөөр хийж байгаа бол,
• Тод-Эйч клиник эмнэлэг томуугийн эсрэг вакциныг есдүгээр сарын дундуур хийж эхэлнэ.
•  "Family klinic", Гранд мэд, "СОС Медика Монголиа" зэрэг эмнэлгүүд вакцин хийх тов гараагүй, вакцин ирээгүй байгааг эх сурвалж мэдээллээ.

Вакциныг жилд нэг удаа булчинд тарьж хэрэглэнэ:

•     6 сартайгаас 3 хүртэлх настай хүүхдэд 0.25 мл-ээр булчинд тарина,
•     3-аас дээш насны хүүхэд болон насанд хүрсэн хүнд 0.5 мл-ээр булчинд тарина.

Дараах тохиолдолд энэ вакциныг хэрэглэхгүй:

•     Уг вакцины найрлагад орсон аль нэг бодис болон өндөг, тахиа зэрэгт хэт мэдрэг,
•     Сүүлийн нэг жилийн хугацаанд таталт өгч байсан,
•     Өмнө нь томуугийн эсрэг вакцин хийлгэсний дараа 6 долоо хоногийн дотор вакцины дараах урвал, хүндрэл илэрч байсан,
•     Дархлал дарангуйлах эмчилгээ хийлгэж байгаа,  дархлааны хомсдолтой хүнд хийхгүй.

Дархлаажуулалтын дараа илэрч болох  урвал, хүндрэл:

•     Улайх, хавдах, өвдөх зэрэг хэсэг газрын болон халуурах, чичрүүдэс хүрэх, толгой өвдөх, ядарч сульдах, бөөлжих зэрэг хариу урвал илэрч болно
•     Ховор тохиолдолд цочмог харшлын урвал илэрч болно
•     Маш ховор тохиолдолд саажилт, мэдрэлийн үрэвсэл илэрч болно

          Хэрэв дээрх шинж тэмдгүүд илэрвэл эмнэлэгт хандах хэрэгтэй.

Ерөнхий анхаарах зүйлс

• Вакцин хийлгэж байгаа хүмүүс тарьсан хэсгийг цэвэр байлгах дархлаажуулалтын дараах урвал илэрсэн тохиолдолд яаралтай эмнэлэгт хандах хэрэгтэй
• Томуугийн өвчлөл тархахаас сарын өмнө томуугийн эсрэг вакцин тариулах.        
• Жирэмсэн болон хөхүүл үед вакцин хийлгэж болно. Гэхдээ эмчид үзүүлж, эмчийн заасны дагуу хийлгэх эсэхээ шийдэх ёстой.