Arslan.mn

Улсын хоёрдугаар төв эмнэлэг Шинжлэх ухаан технологийн их сургуультай хамтран ажиллахаар болж Улсын хоёрдугаар төв эмнэлгийн ерөнхий захирал С.Энхболд, Шинжлэх ухаан технологийн их сургуулийн ректор Б.Очирбат нар 2020 оны 9 дүгээр сарын 29-ний өдөр Хамтын ажиллагааны САНАМЖ БИЧГИЙГ үзэглэв.

Санамж бичгийг баталгаажуулахад УХТЭ-г төлөөлөн Амбулаторийн тасгийн эрхлэгч Б.Гантулга болон ШУТИС-ийн дэд захирлууд, салбар сургуулиудын удирдлагууд оролцож санал солилцлоо.

Хоёр байгууллага хамтын ажиллагааны хүрээнд

• Багш, ажилтны эрүүл мэндийн урьдчилан сэргийлэх, эрт илрүүлэг үзлэгийг жил бүр хамтран зохион байгуулах,
• Нийгмийн эрүүл мэндийн хөтөлбөр, төсөл боловсруулан хэрэгжүүлэх,
• Эмнэлгийн тоног төхөөрөмжийн инженер, техникчийн чиглэлээр хүний нөөц бэлтгэх, сургах, дадлагажуулах, чадавхжуулах хамтарсан хөтөлбөр боловсруулан хэрэгжүүлэх,
• ШУТИС-ийн сургалтын хөтөлбөрүүд болон хамтын ажиллагаатай их сургуулиудын хамтарсан хөтөлбөрүүдэд эмнэлгийн тоног төхөөрөмжийн чиглэлийн инженерүүдийг хамруулан сургах,
• Эрүүл мэнд, эмчилгээ, оношилгооны чиглэлээр профессор багш нар болон эмч, сувилагч, инженер техникийн ажилтнуудын хамтарсан эрдэм шинжилгээ, судалгаа, инноваци, технологийн төсөл, хөтөлбөр хэрэгжүүлэн ажиллах,
• Эмнэлгийн барилга, байгууламжийн зураг төсөл, засвар үйлчилгээ, тохижилтын үйл ажиллагааг дэмжих зэрэг чиглэлээр ГУРВАН жилийн турш хамтран ажиллах юм.