Arslan.mn

Эрүүл мэндийн яамны мэдээллийн цагаар ХӨСҮТ-ийн дархлаажуулалтын албаны дарга О.Дашпагам мэдээлэл өглөө.

Тэрбээр "Жил болгон дархлаажуулалтын 10 хоногийг жилд хоёр удаа зохион 5, 10 дугаар сард байгуулдаг. 

Энэ жилийн 10 хоногоор "Томуугаас сэргийлье" уриатайгаар 1-10-ны өдрүүдэд улсын хэмжээнд эрсдэлт бүлгийн хүмүүсийг томуугийн эсрэг вакцинд хамруулж байна.

Энэ жилийн хувьд өмнөх жилүүдээс 3 дахин их вакциныг авч, эрсдэлт бүлгийн хүмүүсийг хамруулж байна.

Томуугийн эсрэг вакциныг аймгийн төвийн 2-5 насны хүүхэд, нийслэлд 6 сартайгаас 9 насны хүүхдүүдийг харьяа дүүрэг, өрхийн эрүүл мэндийн төвийн дархлаажуулалтын байнгын болон түр цэгүүд дээр зохион байгуулж байна. 65 буюу түүнээс дээш насныхан, 4-өөс дээш сартай жирэмсэн эмэгтэйчүүд, амьсгалын замын болон бусад архаг суурь өвчтэй иргэд харьяа ЭМТ-ийнхөө дархлаажуулалтын нэгжид вакцинд хамрагдаж байна." гэсэн юм.

Томуугийн эсрэг вакцинд хүүхдээ хамруулахад анхаарах зүйлс:

• Сүүлийн нэг сарын хугацаанд товлолын болон томуугийн вакцинд хамрагдаагүй байх, хэрэв хамрагдсан бол хойшлуулах ёстой
• Бусад насныханд эсрэг заалт байхгүй
• 6 сартайгаас 2 насны хүүхдүүдийг 2 тунгаар, 3-аас дээш насныхныг 1 удаагийн тунгаар дархлаажуулж байгаа аж.