Arslan.mn

Монгол Улсын Ерөнхийлөгч зарлиг гаргаж, Монгол Улсын эрүүл мэндийн салбарыг хөгжүүлэх, хүн амын эрүүл мэндийг сахин хамгаалах, мэс заслын шинэ арга технологиудыг практикт нэвтрүүлэх, хойч үеэ сурган хүмүүжүүлэх үйлсэд оруулсан хувь нэмрийг үнэлж, "Монгол Улсын гавьяат эмч", "Клиникийн профессор"  Р.Цэдэн-Ишийг “Монгол улсын ардын эмч ”  цол, тэмдгээр шагналаа.

"Монгол Улсын Ардын эмч" Р.Цэдэн-Иш нь 1963 оноос Эрүүл мэндийн салбарт ажлын гараа эхэлснээс хойш хүн ардынхаа эрүүл энхийн манаанд өдгөө 50 гаруй жил хүчин зүтгэж яваа манай эмнэлгийн ахмад эмч билээ. 

Шинэхэн гавьяатыг Улсын хоёрдугаар төв эмнэлгийн ерөнхий захирал С.Энхболд болон бусад албаны төлөөллүүд авч хүндэтгэл үзүүлж, нийт эмч, эмнэлгийн ажилчдынхаа нэрийн өмнөөс халуун баяр хүргэж, цаашдын ажил үйлс нь өөдрөг бүтэмжтэй, амжилт бүтээлээр дүүрэн байхыг ерөөлөө.