Arslan.mn

Хил залгаа хөрш улс орнуудад коронавируст халдварын тохиолдол улам эрчтэй нэмэгдэж байгаатай холбогдуулан Улсын Онцгой комиссоос хамтарсан ажлын баг Баян-Өлгий аймагт ирж, халдвараас урьдчилан сэргийлэх, бэлэн байдлыг хангах, Мэргэжлийн арга зүйн зөвлөгөө өгөх, иргэдийн дунд тандалт судалгаа хийх зорилгоор ажиллаж байна.

Энэ хүрээнд өчигдрөөс эхлэн импортоор бараа таваар оруулдаг аж ахуйн нэгжүүдийн ажилтнууд болон өвчний голомт бүсээс ирж тусгаарлагдаж гарсан иргэдээс сорьцын шинжилгээ авч тандалт судалгаа хийж байна.

Шинжилгээний хариугаар батлагдсан тохиолдол илрээгүй болно. Иймд худал ташаа мэдээллийг түгээж, олон нийтэд буруу ойлголт төрүүлэхгүй байхыг ЭМЯ анхаарууллаа.