Arslan.mn

Улсын Хоёрдугаар Төв Эмнэлэг болон Өмнөд Солонгосын Сунг Кун Ван их сургуулийн Канбуг Самсунг Эмнэлгийн хооронд төслийн хамтран ажиллах санамж бичигт 2020 оны 11 сарын 4 ны өдөр гарын үсэг зурах ёслолын үйл ажиллагаа болж өнгөрлөө.

Уг хамтын ажиллагааны гэрээнд УХТЭ-н ерөнхий захирал С. Энхболд, Канбуг Самсунг Эмнэлгийн төслийн удирдагч Ган Жэ Хонь нар онлайнаар гарын үсэг зурлаа.

Уг төсөл нь 5 жилийн хугацаатай хэрэгжих бөгөөд тус эмнэлгийн Үндэсний Оношилгоо Эмчилгээний Төвийн үйл ажиллагааг дэмжих, хүний нөөцийн чадавхийг нэмэгдүүлэх, тоног төхөөрөмж, инженерийн зөвлөх үйлчилгээ үзүүлэх, сувилахуйн тусламж үйлчилгээг хүртээмжтэй болгоход Өмнөд Солонгосын Канбуг самсунг эмнэлэгтэй туршлага солилцох, сургалтын үйл ажиллагаа хэрэгжих юм. Уг гэрээг цахимаар явагдсан онцлог байлаа.