Arslan.mn

Сүхбаатар дүүргийн эрүүл мэндийн төвийн дарга, клиникийн профессор Л.Баярхүү 2021-2024 оны “Хөгжлийн хөтөлбөр”-ийг 2020 оны 11 дүгээр сарын 10-ны өдөр танилцууллаа.

Сүхбаатар дүүргийн эрүүл мэндийн төв нь Эрүүл мэндийн яам, Нийслэлийн Засаг даргын тамгын газар, Нийслэлийн Эрүүл мэндийн газар, Сүхбаатар дүүргийн Засаг Даргын Тамгын Газрын бодлого, төлөвлөлт, шийдвэрийг нутаг дэвсгэрийн хэмжээнд хэрэгжүүлж, хүн амд нийгмийн эрүүл мэндийн болон төрөлжсөн мэргэшлийн мэргэшсэн тусламж үйлчилгээг үзүүлж байгаа бөгөөд эрүүл мэндийн лабораторийн чанар ба чадавхид тавих шаардлага MNS ISO 15189:2015 стандартыг амжилттай нэвтрүүлэн ажиллаж байна.

Сүхбаатар дүүргийн эрүүл мэндийн төвийн  2021-2024 онд хэрэгжүүлэх Хөгжлийн хөтөлбөрт:

• Салбар дундын хамтын ажиллагааг сайжруулах замаар халдварт халдварт эрт хяналтыг
• Эрүүл мэндийн тусламж үйлчилгээний чанар, хүртээмжийг нэмэгдүүлэх
• Мэргэшсэн хүний нөөцийн бодлогыг үе шаттайгаар хөгжүүлэх
• Сувиллын газрыг сэргээн засах төв болгох
• Эрүүл мэндийн мэдээлэл солилцоо, цахим үйлчилгээг хөгжүүлэх
• Гүйцэтгэл,чанар, үр дүнг дэмжсэн төсөвлөлт, хөрөнгө оруулалтын төлөвлөлтийг сайжруулах замаар санхүүжилтийг нэмэгдүүлэх зэрэг тэргүүлэх чиглэлүүдийн хүрээнд олон ажлуудыг тусган хэрэгжүүлэхээр төлөвлөсөн байна.