Arslan.mn

Монгол Улсын хувьд COVID-19 цар тахлыг дотооддоо алдалгүй 10 сарын турш хамгаалж чадсан бөгөөд халдвар илэрсэн 416 иргэнээс 330 гаруйг нь өнгөрсөн 10 сарын хугацаанд эмчилж, эдгээсэн цагаан нөмрөгт баатруудаас маань 7 эмч, сувилагч халдвар аваад буй.

Тэдний сэтгэлзүй амаргүй байна. Аюулт цар тахлыг дарах гэж битүү хувцас, вирустэй орчинд 300 гаруй хоног гэрээ умартан ажилласан. Ялангуяа, бусдын эрүүл мэндийн төлөө өөрсдөө эрсдэл хүлээж, өнөөдөр халдвар авчихаад буй эмч, сувилагч, асрагч нартаа хурдан эдгэж, дахин олон хүн эмчлэхийг иргэдийнхээ өмнөөс хүсье.

Мөн тэдэнд эдгээд даваад гарах урмын үгийг хүн бүр илгээж, халдвар авсан иргэдээ ад үзэлгүй, нэр төр, гэр бүл, хүний эрхийн хүндэтгэж халуун дулаан сэтгэл илгээхийг уриалж байна.

Хамт олноороо халдвартай иргэдийг эмчилж эдгээж гаргах хариуцлагатай үүрэг хүлээсэн ХӨСҮТ-ийн алтан гартай эмч, сувилагч, ажилчдаараа бахархаж байна. 

Өнөөдрийн байдлаар Монгол Улсын хэмжээнд гурван газарт коронавирусийн халдвар голомтлон тархсан бөгөөд 450 гаруй эмч, мэргэжилтэн иргэдээ эмчилж, эрүүл мэндийг нь хамгаалахын төлөө өдөр шөнөгүй ажиллаж байна.