Arslan.mn

Эрүүл мэндийн яамны ээлжит хэвлэлийн хурлын үеэр ХӨСҮТ-ийн Тандалт судалгааны албаны дарга А.Амбасэлмаа хөл хорионы дэглэм ач холбогдлоо өгч байгаа талаар мэдээллээ. 

Тэрбээр "ХӨСҮТ-д одоогоор 234 батлагдсан тохиолдол эмчлэгдэж байна. Бид голомтод хөл хорионы арга хэмжээ авсны үр дүнд халдварын тархалт гайгүй байна.

Тухайлбал, урьд шөнө батлагдсан 2-3 тохиолдол оюутан, сурагч байгаа юм. Хэрэв бид хөл хорионы арга хэмжээ аваагүй байсан бол их, дээд сургуулийн орчинд өвчлөл тархах эрсдэл өндөр байх байсан. Бид коронавируст халдвараар батлагдсан тохиолдлуудад эхний үед вирусийн эсрэг дөрвөн төрлийн эм хэрэглэж байгаа бөгөөд одоогоор уламжлалт өвөрмөц эм тан хэрэглээгүй.

Мөн дархлаа дэмжих бэлдмэл хэрэглэж, хүндэрсэн хүмүүст антибиотик хэрэглэж байна" хэмээлээ.