Arslan.mn

ЭМЯ-ны ээлжит хэвлэлийн хурлаар  коронавирус илрүүлэх шинжилгээний хариуг танилцуулах үеэр  ХӨСҮТ-ийн Тандалт, судалгааны төвийн дарга А.Амбасэлмаа "Улаанбаатар хот болон 6 аймагт халдварын томоохон голомтууд бий болсны дараа энд тэнд алаг цоог байдлаар халдвар илрэх тохиолдол бий. Шинэ төрлийн вирус, агаар дуслын замаар халддаг учраас хаанаас ч халдвар гарах эрсдэл өндөр байдаг.

Тиймээс халдварын эгзэгтэй цэгүүд болон хүн ам олноор байгаа газруудад шинжилгээ, тандалт судалгаа хийх шаардлагатай байгаа ба энэ явцад Амгалан гаалийн ажилтныг илрүүлж чадсан. Ттухайн хүн хотын гаалийн ажилтан учраас хамт ажилладаг 100 гаруй,  түүний ойрын 50 гаруй хүнд шинжилгээ авахад коронавирус илрээгүй." гэлээ.