Arslan.mn

Ховд аймагт очсон хоёр хүний PCR шинжилгээний хариу эерэг гарсан талаар аймгийн Онцгой комиссоос мэдээллээ. 

Ховд аймгийн Засаг дарга Б.Дүгэржав "Өнөөдөр өглөө ирсэн иргэдээс хоёр хүний түргэвчилсэн шинжилгээний хариу эерэг гарсан. Бүсийн оношилгооны төв дээр PCR шинжилгээ хийхэд хариу мөн эерэг гарч батлагдлаа.  Тэдний биеийн байдал одоогоор хэвийн, ямар нэгэн шинж тэмдэг алга. Халдвартай хоёр иргэн болон нэгнийх нь төрсөн дүүг нь тусгаарлах байранд тусгаарлаж хамт ирсэн бусад 38 хүнийг Дарви суманд тусад нь тусгаарлалаа.

УОК-ын гишүүдтэй зөвшилцөн тэдгээр 41 иргэнийг өнөөдөр /01.27/ тусгай үүргийн онгоцоор Улаанбаатар руу шилжүүлэн тусгаарлаж, халдвартай хүмүүст эмчилгээг хийнэ. Бид аймаг руу гаднаас орж ирж байгаа бүх хүнд шинжилгээг хийж байна." гэв.