Arslan.mn

Баянгол дүүргийн 25 дугаар хорооны "Голден парк", "Цоглог", "Түвшин өргөө" хотхоны иргэдийг өнөөдөр 11.00 цагаас PCR шинжилгээнд хамруулж эхэлсэн тухай ЭМЯ-ны хэвлэл мэдээллийн зөвлөх Б.Ууганбаяр мэдээлэв.

ЭМЯ-ны өнөөдрийн ээлжит хэвлэлийн хурлын үеэр тэрбээр, дээрх хотхонуудад коронавируст халдварын тохиолдол их гарч байгаа тул тандах шинжилгээ хийхээр болсныг дуулгасан. Ингэхдээ, хатуу хөл хорио тогтоолгүйгээр, "Голден парк" хотхоны 101-108, "Цоглог" хотхоны 201-203, "Түвшин өргөө" хотхоны 301-305 дугаар байранд оршин суудаг, 16-гаас дээш насны хүмүүсийг хамруулах аж. Иймд тус байранд амьдардаг иргэдийг гэртээ байж хайртай хүмүүсийнхээ эрүүл мэндийн төлөө нэг өдрийг зарцуулахыг ЭМЯ-ны хэвлэл, мэдээллийн зөвлөх Б.Ууганбаяр мэдээллийнхээ үеэр уриалав.

Тандах шинжилгээнд Баянгол дүүргийн Эрүүл мэндийн төвийн найман баг ажиллах юм байна.