Arslan.mn

Өнөөдрийн байдлаар 0- 18 насны 400 орчим хүүхэд, 500 гаруй жирэмсэн эх Ковид-19- ийн халдвар авч, биеийн байдал нь хүндэрсэн тул зайлшгүй хэвтэн эмчлүүлэх шаардлага тулгарч байна.

Иймд Улсын онцгой комиссоос эмнэлгийн ор дэлгэх боломжтой байршлуудад бэлтгэл ажлыг хийж эхэлсэн бөгөөд Яармаг дахь хотын захиргааны шинэ байранд Яаралтай тусламжийн төв байгуулж, 145 ор дэлгэж эхэллээ.

Энэхүү Яаралтай тусламжийн төвд зайлшгүй эмнэлэгт хэвтэн эмчлүүлэх шаардлагатай, ор хүлээж буй иргэдийг хүлээн авч түргэн тусламжийн үйлчилгээг үзүүлэх бөгөөд дүүргийн эмнэлгүүдэд ор гарахаар дараагийн шатлалын эмнэлгүүдэд шилжүүлэн хэвтүүлэх юм.