Arslan.mn

Шинэ төрлийн коронавирусийн халдвар дэлхий дахинд тархаж буй энэ үед дэлхийн бүхий л улс оронд эмч, сувилагч, эмнэлгийн ажилтнууд эрдэнэт хүний амь насыг аврахын төлөө нэг ч хором алдахгүйг хичээн ажиллаж байна. 

Дэлхий нийтийг түгшээсэн цар тахлын тархалтыг барьж тогтоох нь зөвхөн эрүүл мэндийн байгууллагын хийх ажил биш, улс орнуудын эв нэгдэлтэй, хамтын ажиллагаанаас хамаарах зүйл гэдгийг ДЭМБ-ын зүгээс мэдэгдэж буй.

Гэхдээ ачааны хүндийг ЭМЧ НАР нуруундаа үүрч, цар тахалтай тэмцэх фронтод 24 цагаар ажиллаж байгаа юм. Тэгвэл энэ хүнд цаг үед эрүүл мэндийн салбарынхан цалинг хамгийн бага, нэмэлт урамшуулалгүй ажиллаж буй. Тиймээс эрүүл мэндийн салбарынхан "ТЭВЧЭЭР ТАСАРЛАА" хөдөлгөөн өрнүүлж байна.

Халдвар авсан хүний тоо нэмэгдэж, эмч нар ачааллаа дийлэхгүйд хүрч байгаа нь нууц биш. “Улаан бүс”-д ажилладаг нэг эмч өмнө нь 10 хүн хариуцаж ажилладаг байсан бол энэ тоо өнөөдөр 40 болжээ. Ачаалал нэмэгдэхийн хэрээр эмч, ажилчид ч бас Covid-19 цар тахлаар өвчилж байгаа юм. Өнөөдрийн байдлаар эрүүл мэндийн салбарын 200 гаруй эмч, ажилтан Covid-19-д өртсөнийг Эрүүл мэндийн яамнаас мэдээлж байв.

Эрүүл мэндийн салбарынханы цалинг нэмэх асуудлыг 20 жил судлалаа. Харин одоогийн хүнд цаг үед яадахдаа цар тахлын голомтод ажиллаж буй эмч, ажилчдын цалинг хурдан нэмэгдүүлэх шаардлага үүсэж буй...