Arslan.mn

Улсын гуравдугаар төв эмнэлэг 2021 оны Үйл ажиллагааны тайлангийн хурлаа өчигдөр  /2021.12.30/ зохион байгууллаа. 

Тайлангийн хурлын үеэр шилдэг ажилтан, шилдэг тасаг болон Эрүүлийг хамгаалахын тэргүүний ажилтан, Эрүүл мэндийн яамны жуух бичиг зэрэг шагналуудаар эмч, сувилагч, инженер, техникч, үйлчилгээний ажилтнууд шагнагдлаа.

УГТЭ-ийн захирал Ц.Төмөр-Очир  " Өнөөдөр бид бүхэн 2021 оны тайлангийн хурлаа хийж, оны шилдгүүдээ тодруулах уламжлалтай юм. Энэ дагуу цар тахлын хүнд үед ч гэсэн  шилдэг алба, тасаг, албан хаагчдаа тодруулж байгаад баяртай байна.  Цар тахлыг даван туулахад ачааны хүндээс хуваалцаж ажилласан нийт эмч, сувилагч, эмнэлгийн ажилтнуудад талархал илэрхийлье. 

УНТЭ-ээс 2015 оноос хойш 7 дахь жилдээ уламжлал болгон сарын аянуудыг чиглэл чиглэлээр зохион байгуулан ажиллаж байна. Тухайлбал, эмч, мэргэжилтнүүдийн ур чадварыг дээшлүүлэх, сувилагч, тусгай мэргэжилтнүүдийн аян, эмнэлгийн тусламж үйлчилгээ болон эрүүл мэндийн салбарын ажилтны нийгмийн хамгааллыг дэмжих сарын аян, залуучуудын хөгжлийг дэмжих сарын аян зэрэг маш олон арга хэмжээг зохион байгуулан ажилласан байгаа.

Хүний нөөцийн хөгжлийг хангах чиглэлээр онцгой анхааран ажилладаг. 2021 онд зөвлөх эмч 4, тэргүүлэх эмч 38, ахлах эмч 20 эмч мэргэжлийн зэргээ тус тус амжилттай хамгаалсан. ажилчдын нийгмийн хамгааллын хүрээнд цалин, урамшуулал цаг хугацаанд олгож, 7-р сарын 01-ээс эхлэн сүүлийн зургаан сарын хугацаанд нийт ажилчдын цалинг 20 хувиар нэмэгдүүлж, мөн ковид-19 цар тахалд ажилласан эмч, мэргэжилтнүүдийг нэмэгдлийг олгосон болно." гэдгийг онцлов.