Arslan.mn

Улсын нэгдүгээр төв эмнэлэг өнөөдөр буюу 02 дугаар сарын 11-ний өдөр эмнэлгийн даатгал хариуцсан мэргэжилтнүүд болон мэдээлэл технологийн инженерүүдэд зориулан "Эрүүл мэндийн байгууллагын тусламж, үйлчилгээний нэхэмжлэл, гүйцэтгэлийн санхүүжилт” сэдэвт сургалтыг анх удаа амжилттай зохион байгууллаа.

Эрүүл мэндийн салбарт хэрэгжиж буй гүйцэтгэлийн санхүүжилт болон эмнэлгийн хагас бие даасан байдлын шинэчлэлийг амжилттай хэрэгжүүлэхэд чиглэсэн тус сургалтанд УГТЭ, ХСҮТ, АӨСҮТ, Аддиктологийн төв, 15 аймгийн БОЭТ, аймгийн Нэгдсэн эмнэлэг болон Хан-Уул, Баянзүрх, Сонгинохайрхан, Налайх дүүргийн Нэгдсэн эмнэлэг, Туул тосгоны ЭМТ, АШУҮИС-ийн төв эмнэлэг, Монгол Японы эмнэлгийн нийт 109 эмнэлгийн эмч, мэргэжилтнүүд оролцлоо. 

Мөн ЭМДҮЗ-ийн тогтоолууд, даатгалын нэхэмжлэл, чанар, төлбөрийн хяналтын шалгуурууд, программ хангамж, ашиглалт, сүлжээ, сервер, цахим өвчний түүх зэрэг тулгамдаж буй асуудлууд дээр туршлага хуваалцаж, өөрсдийн санал бодлоо илэрхийллээ.