Arslan.mn

Эрүүл мэндийн даатгалаа 2019 оноос хойш бүрэн төлсөн даатгуулагчид урьдчилан сэргийлэх эрт илрүүлгийн багцад багтсан бүх үзлэг, оношилгоо, шинжилгээнд хоёр жилд нэг удаа хамрагдах боломжтой.

Өрх, сум, тосгоны эрүүл мэндийн төвөөс эрт илрүүлэгт хамрагдах эрүүл мэндийн байгууллагын жагсаалт болон хаана, хэзээ, хэрхэн хамрагдах, түүний зохион байгуулалтын талаар мэдээлэл, зөвлөгөөг аваарай.

Тэдгээр нь эрт илрүүлгийн товлолын талаарх мэдээллийг сурталчлах, түгээх, эрт илрүүлгийн багцад хамрагдахыг урьсан цаасан болон цахим урилгыг /эсхүл утсаар мэдэгдэх/ даатгуулагчид хүргүүлэх, дуудах-эргэн дуудах үүрэгтэй

Та өөрийн насны багцын дагуу эрт илрүүлэгт хамрагдсанаар тухайн өвчнийг эрт үед нь илрүүлж, оношилж, эрүүл мэндээ ноцтой эрсдэлд орохоос хамгаалж, өвчлөл хүндрэхээс сэргийлнэ. 

Урьдчилан сэргийлэх, эрт илрүүлэх үзлэг, оношилгоо, шинжилгээний ерөнхий зураглал болон эрт илрүүлэг хийж буй эрүүл мэндийн байгууллагуудын жагсаалтыг хүргэе.