Arslan.mn

Баянзүрх дүүргийн 147 дугаар сургуулийн есдүгээр ангийн сурагч сургуулийн коридорт  нулимс асгаруулагч хий цацсанаас болж, нэлээдгүй хүүхэд хордоод байна.

Тодруулбал, одоогийн байдлаар насанд хүрсэн 3 хүнийг Цэргийн төв эмнэлэг, 37 хүүхэд ЭХЭМҮТ, 8 хүүхэд БЗДНЭ, 19 хүүхэд МЯСЭ тусламж үзүүлж тээвэрлэн, түргэн тусламжийн 7 баг ажиллаж байгаа юм.

Энэ талаар ЭХЭМҮТ-ийн хэвлэлийн ажилтан Алтанзулаас тодруулахад "147-р сургуулиас нулимс асгаруулагчид хордсон гэх 36 хүүхэд ЭХЭМҮТ-д хүргэгдэн ирсэн. Сурагчид одоо мөн нэмэгдэн ирж байна. Зарим сурагчид хордлогын шинж тэмдэгтэй яг одоо яаралтай тусламж авч байна. Биеийн ерөнхий үзлэг хийж дууссаны дараа мэдээлэл өгнө" гэлээ.