Arslan.mn

Эх Хүүхдийн Эрүүл мэндийн үндэсний төвд "Нярайн зүрхний хүнд гажиг"-ийн мэс заслыг амжилттай нэвтрүүлж, Монгол Улсад эмчлэгдэх боломжгүй өвчний тоог нэгээр бууруулсан талаар өнөөдөр мэдээлэл хийлээ. 

Энэ үеэр Улсын гуравдугаар төв эмнэлгийн Ерөнхий захирал Ц.Төмөр-Очир хэлсэн үгэндээ "Люксенбургийн их гүнт улсын буцалтгүй тусламжаар хэрэгжиж буй "Зүрх судасны төв" төслийн хүрээнд УГТЭ-ийн эмч, мэргэжилтнүүд ЭХЭМҮТ-ийн эмч, мэргэжилтнүүдтэй хамтраад хүнд, хавсарсан эмгэгтэй найман нярайд мэс засал хийлээ. Бидний хувьд ЭХЭМҮТ-ийн эмч, мэргэжилтнүүдээ зүрхний мэс засалд сургах, дэмжих үүрэг хүлээн ажиллаж байгаа. Бид энэ үүргээ цаашид ч мөн үргэлжлүүлэн ажиллана.