Америк доллар 
LIVEЦусны донорууд дугаарлахгүйгээр эмнэлэгт үзүүлэх боломжтой
Эмнэлгүүдийг цусан бүтэгдэхүүнээр хангах нь өдөр тутмын тасралтгүй үйл ажиллагаа байдаг. Зуны улиралд цусны эрэлт нэмэгддэг боловч цус өгөлт багасч нийлүүлэлт буурдаг гэж Цусны төвийнхөн онцолж байна. Цусны донор болж цусаа өгөх нь сайн дурын үйл ажиллагаа ч гэлээ хөгжилтэй улс орнуудад үүрэг гэж заасан байдаг. Манай иргэдийн хувьд цус өгснөөр халдвар авах, даардаг болох, донор болоход цусны бүлэг хамаатай зэрэг буруу ойлголтууд байсаар байгаа. Цусаа өгөх нь ямар нэг сөрөг нөлөө байхгүй. 17-60 насны өөрийгөө эрүүл гэж бодож буй хэн ч донор болох боломжтой. Донор өвдсөн тохиолдолд хоёр, гуравдугаар шатны эмнэлгүүдэд дугаар дараалалгүйгээр үзүүлэх, зарим төрлийн шинжилгээг үнэ төлбөргүй өгөх эрх нээгдэж байгаа аж.
