Есөн иргэн спиртэд хордож, нэг иргэн нас баржээ

Дорнод аймагт есөн хүн спиртэд хордож нэг нь нас барсан хэрэг энэ сарын 11-ний өдөр гарчээ.

Тодруулбал дээрх иргэд Дашбалбар сумын ойролцоо мал, мах бэлтгэн авч явах үедээ согтууруулах ундаа хэрэглэн улмаар техникийн зориулалттай шингэн нэмж уун хордсон байна.
Амиа алдсан иргэн Т зүрх нь зогссон байдалтай Дашбалбар сумын эмнэлэгт хүргэгдэж ирсэн ба бусад хордсон хүмүүст эмнэлгийн яаралтай тусламжийг цаг алдалгүй хүргэжээ. Одоогоор өвчтөнүүдийг БОЭТ-д шилжүүлэн авчраад байгаа бөгөөд нэг иргэний биеийн байдал хүнд байгаа аж

Иргэдийн хордсон машиныг хөлдөхөөс хамгаалах зориулалттай цэнхэр өнгийн шингэнийг иргэн Т “Өмнө нь ууж үзсэн, зүгээр” хэмээн бусаддаа уулгасан аж.

Мэдээнд өгөх таны үнэлгээ?