Хулгайн замаар Хэнтий аймгийн Баянхутаг суманд очсон хоёр иргэний шинжилгээний хариу эерэг гарчээ

Улаанбаатар хотоос хулгайн замаар хэнтий аймгийн Баянхутаг суманд очсон 2 иргэнээс түргэвчилсэн оношлуураар эeрэг гарчээ. Эцсийн хариу 14:00 цагт гарна.

Тэдний хувьд энэ сарын 15-наас 16-нд шилжих шөнө Улаанбаатар хотоос хулгайн замаар Хэнтий аймгийн Дархан, Баянмөнх, Баянхутаг сумдын нутгаар дайрч, Хэрлэн гол дагуу явж, аймгийн Шатахуун түгээх станцаар үйлчлүүлж, аймгийн төвөөс 70 км-ын зайтай Заан ширээ гэх газарт гэртээ байна гэх өгүүлэмжтэй байна.

"Тиймээс аймгийн хэмжээнд бүх хөдөлгөөнийг хаах, үйл ажиллагаа явуулж байгаа бүх үйлчилгээний байгууллагыг түр зогсоох, аймгийн төвийн гарах, орох хөдөлгөөнийг бүрэн хаах шийдвэрийг гаргаж байна "хэмээн Хэнтий аймгийн Засаг дарга Ц.Идэрбат хэллээ.