Arslan.mn

Дархан-Уул аймгийн Онцгой комисс өчигдөр 23:00 цагийн орчимд коронавирусийн халдварын нөхцөл байдлыг танилцуулах хэвлэлийн хурал хийлээ.

Энэ үеэр тус аймагт ажиллаж буй Ерөнхий сайдын ахлах зөвлөх Ж.Энхбаяр сэжигтэй дөрвөн тохиолдол гарсныг мэдээлэв.

Дархан-Уул аймагт төмөр зам дагасан өвчний шинэ голомт үүссэн гэж үзлээ. Өнөөдрийн байдлаар Дархан-Уул аймагт Ковид 19 халдварын найман тохиолдол батлагдаад байна. Үүний зургаа нь төмөр замын ажилтнууд байгаа юм. Дарханд гарч байгаа өвчлөлийг төмөр зам дагаж орж ирсэн голомтот өвчлөл гэдгийг мэргэжлийн байгууллагууд тогтоолоо.

Улмаар төмөр замын 878 ажилтныг шинжилгээнд хамруулснаас дахин дөрвөн хүний түргэвчилсэн шинжилгээний хариу эерэг гарч аймгийн эмнэлэгт хянагдаж байна.

Шинжилгээг баталгаажуулахаар ХӨСҮТ рүү хүргүүллээ. Ингэснээр Дархан хотод батлагдсан найман тохиолдол сэжигтэй дөрвөн тохиолдол бүртгэгдэж байна. Дээрх хүмүүсийн 10 нь төмөр замын ажилтнууд байгаа юм.