Arslan.mn

Хөвсгөл аймгийн шуурхай штабаас мэдээлэл хийлээ. 

Өндөржүүлсэн бэлэн байдалд шилжсэнээс хойш Хөвсгөл аймагт Улаанбаатар болон бусад аймгуудаас нийт 2401 иргэн иржээ. Энэ тоо 6000 болж өснө. Оюутнууд  ирээгүй байна.  Шинжилгээ өгөөгүй иргэдийг аймаг руу нэвтрүүлэхгүй.  

Эрсдэлтэй иргэдээс түргэвчилсэн оношлуураар шинжилгээ авах ажил үргэлжилж байна. Нийт  3800  хүнд шинжилгээ хийжээ. Эерэг гарсан тохиолдол байхгүй.  

Аймгийн мэргэжлийн хяналтын газрын дарга: Өндөржүүлсэн бэлэн байдлын зэрэгт орсноор тайвширч болохгүй. Халдвар хамгааллын дүрмээ хатуу мөрдөх нь зөв. Халуун ус, зоогийн газар, үйлдвэрүүд, авто засварын газрууд болгоомжтой байх нь зөв. Бид хяналтаа үргэлжлүүлэн тавьж байна. Иргэдийн хариуцлагагүй байдлын улмаас хүндрэл учруулсаар байна. Засаг төрөөс гаргасан шийдвэрийг зарим иргэн эсэргүүцсээр байна. Нэр бүхий дэлгүүр согтууруулах ундаагаар үйлчилсэн зөрчил илэрлээ. Иймд тусгай зөвшөөрлийг нь хураан, дэлгүүрийг хаасан. Иймэрхүү зөрчлийг бидэнд дор бүр нь мэдээлэхийг иргэд, хэвлэл мэдээллийн хэрэгслүүдээс хүсэж байна.