Arslan.mn

Дархан-Уул аймаг коронавирусийн халдваргүй "Ногоон бүс" болж албан ёсоор зарлагдах боломж бүрдсэн тухай тус аймгийн Засаг дарга, АОК-ын дарга Б.Азжаргал фэйсбүүк хуудсаараа мэдэгдлээ.

Тэрбээр "Аймгийн хэмжээнд сүүлийн тохиолдол илэрснээс хойш 33 дахь өдөртөө халдвар нэмж бүртгэгдээгүй. Хяналтын шатны PCR шинжилгээнд 12,000 иргэнийг хамруулж хариу "СӨРӨГ" гарсан учраас Дархан-Уул аймаг "Ногоон бүс" болж албан ёсоор зарлагдах боломж бүрдлээ.

Аймгийн хэмжээнд өвчлөлийг хязгаарлаж тогтоон барьсны үр дүнд аймгийн ОК-оос дараах шийдвэрүүдийг гаргаж байна. 

2021 оны нэгдүгээр сарын 7-ны Пүрэв гарагаас эхлэн дараах чиглэлийн үйл ажиллагаанууд тусгай горимын дагуу хэвийн үйл ажиллагаагаа эрхлэн явуулна. Үүнд;

• ОУ-ын байгууллагууд
• Худалдаа үйлчилгээний байгууллага, зах, худалдааны төвүүд лангуу алгасахгүй хэвийн ажиллана.
• Зочид буудлууд,
• Спорт заал танхимууд, /ЕБС спорт зал/
• Фитнесс, иог, spiniing
• Теннис, билльярд төвүүд,
• Бүх төрлийн хүргэлтийн үйлчилгээнүүд
• Нийтийн хоолны үйлчилгээ, /гуанз, ресторан/
• Нэг цэгийн үйлчилгээ
• Саун бассейн
• Нийтийн халуун ус
• Гоо сайхан
• Мэргэжлийн түр сургалтууд
• Сүлжээний бизнес
• Сул агууламжтай /18° хүртэлх/ бүтээгдэхүүн худалдаалах

Дээрх үйл ажиллагааг эрхлэхдээ МХГ-аас өгсөн зөвлөмжийн дагуу халдвар хамгаалалтын дэглэмийг мөрдөж ажиллана" гэсэн байна.