Arslan.mn

Хөвсгөл аймагт өчигдөр зургаан иргэнээс коронавирус илэрсэн тухай аймгийн Нэгдсэн эмнэлгээс мэдээлсэн. Тус аймагт өчигдөр анх удаа PCR шинжилгээ хийсэн тул баталгаажуулахаар Орхон аймгийн бүсийн оношилгоо эмчилгээний төв рүү өчигдөр сорьц илгээсэн талаар бид өмнө мэдээлсэн.

Онош баталгаажуулах шинжилгээний хариу Орхон аймгаас өнөөдөр ирсэн бөгөөд дээрх зургаан хүнээс гадна нэг хүний шинжилгээний хариу эерэг гарчээ.

Нэг хүний шинжилгээг Хөвсгөл аймагт хийгээгүй бөгөөд хариу эерэг гарсан хүнтэй хавьтал болсон учир сорьцыг Орхон аймаг руу илгээхэд халдвар авсан нь батлагджээ.

Халдвар авсан иргэд бүгд Цэцэрлэг суманд байгаа ба аймгийн Нэгдсэн эмнэлэгт хэвтүүлэхээр өнөөдөр аймгийн төв рүү тээвэрлэж байна гэж Хөвсгөл аймгийн Нэгдсэн эмнэлгээс мэдээллээ.