Arslan.mn

Ховд аймгийн Дарви сумын Бугат, Хөхморьт, Тонхил багийн нутагт гуравдугаар сарын 26-ны өдөр 24-32 м/с хүртэл хүчтэй шороон шуурга шуурсны улмаас 22 өрхийн 24 гэр, 64 айлын хашаа нуржээ.

Түүнчлэн Ерөнхий боловсролын сургуулийн хичээлийн байр болон дөрвөн айлын байшингийн дээвэр хууларч, цахилгаан дамжуулах 35 кВт-ын таван ширхэг бетон тулгуур багана унаж гэмтжээ. Мөн 32 автомашины шил хагарсан байна. 

Тус сумын Засаг даргын Тамгын газрын даргаар ахлуулсан ажлын хэсэг нөхцөл байдалтай танилцаж, хохирлын хэмжээг тогтоон ажиллажээ. Цахилгаан дамжуулах таван ширхэг тулгуур баганыг сэргээн засварлах ажил 80 хувьтай явагдаж байна.