Arslan.mn

Баянхонгор аймгийн Цагдаагийн газраас аймгийн хэмжээнд  “Би биш бид” аян, “Мотоцикл-2021”  нэгдсэн арга хэмжээг зохион байгуулан ажиллаж байна.

Арга эхмжээний хүрээнд энэ сарын 12-ны өдөр “Би бишээ бид” аяныг санаачлагч аймгийн Иргэдийн хурлын дарга Э.Энхбат, ГХУСАЗЗ-ийн нарийн бичгийн дарга Ж.Наранбаатар болон Баянхонгор аймаг дахь Цагдаагийн газрын Замын Цагдаагийн тасгийн ахлах зохицуулагч, Цагдаагийн хошууч М.Дашзэвэг нарын бүрэлдэхүүнтэй ажлын баг Эрдэнэцогт, Өлзийт суманд ажиллалаа.

Мотоциклийн осолтой холбоотой хэрэг зөрчлийн тоо буурахгүй байгаатай холбоотойгоор мотоциклтой иргэдийг хамгаалах малгай тогтмол өмсөж хөдөлгөөнд оролцож байхыг уриалж, хамгаалалтын малгайг олгосон байна.  Ингэхдээ хөдөлгөөний идэвхжил их Өлзийт, Эрдэнэцогт сумыг сонгосон бөгөөд цаашид Бууцагаан, Бөмбөгөр сумын мотоциклтой иргэдэд ч энэхүү үйл ажиллагаа хүрэх аж.

Мотоцикл жолоодохдоо иргэн та 

• Тээврийн хэрэгсэл жолоодох насанд хүрсэн, жолоодох эрхийн үнэмлэхтэй
• Хамгаалах малгайтай
• Архи согтууруулах ундааны зүйл хэрэглээгүй байх ёстой.