Arslan.mn

Хэнтий аймгийн Цэнхэрмандал сумын “Хэрлэн” голын эрэгт амарч байсан зургаан иргэний нэг нь согтууруулах ундаа хэрэглэсэн үедээ голын усанд сэлэхээр ороод живсэн тухай дуудлагыг өнгөрөгч долдугаар сарын 16-ны өдөр Онцгой байдлын газар хүлээн авсан байдаг. Дуудлагын дагуу Нийслэлийн Багануур дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчид нийслэлийн Баянзүрх харьяат дүүргийн харьяат 42 настай иргэн М-ийг эрэн хайх ажиллагааг зохион байгуулсан аж.

Албаныхан долдугаар сарын 22-ны өдрийн байдлаар Цэнхэрмандал сумын Нугаар багийн “Жаргалантын-Ам” гэдэг газраас Дэлгэрхаан сумын “Хэрлэнбаян-Улаан”, “Хөхтий”, “Хэцүү гацаа” гэдэг газар хүртэл “Хэрлэн” голд эрэн хайх ажиллагааг зохион байгуулсан боловч үр дүнд хүрээгүй байна.

Эрэн хайх ажиллагааг долдугаар сарын 23-ны өдрийн 07:00 цагт эхлүүлсэн талаар албаныхан мэдээллээ.