Arslan.mn

Баян-Өлгий аймгийн эрүүл мэндийн газраас наймдугаар сарын 9-ний 12:00 цагаас 10-ны өдрийн 12:00 цаг хүртэлх коронавирусийн халдварын нөхцөл байдлын талаарх мэдээллийг хүргэж байна.  

Аймгийн эрүүл мэндийн байгууллагууд өнгөрсөн 24 цагийн хугацаанд 724 хүнд түргэвчилсэн шинжилгээ, 84 иргэнд PCR-ийн шинжилгээ хийхэд 319 тохиолдол бүртгэгдлээ. Ингэснээр нийт батлагдсан тохиолдол 4251 боллоо. Аймгийн хэмжээнд 551 голомт байгаа аж. 

Шинээр илэрсэн 319 тохиолдлыг задлан үзвэл: 

• Алтай суманд 1, 
• Бугат суманд 5, 
• Дэлүүн суманд 1, 
• Сагсай суманд 2, 
• Толбо суманд 10, 
• Улаанус суманд 6, 
• Цэнгэл суманд 21, 
• Цагааннуур тосгонд 1, 
• Хотгор багт 1 иргэн, 
• Өлгий суманд 271 иргэн тус тус батлагдсан бөгөөд бүгд дотоодын халдвар. 

Өнөөдрийн байдлаар 2361 иргэн эдгэрч эмнэлгээс гарсан бол 1885 иргэн эмнэлэгт болон гэрийн нөхцөлд эмчилгээ хийлгэж байна. Эмчилгээ хийлгэж байгаа 

• 1648 иргэний биеийн байдал хөнгөн
• 176 иргэний биеийн байдал хүндэвтэр
• 54 иргэний биеийн байдал хүнд
• 7 иргэний биеийн байдал маш хүнд гэж мэдээллээ.