Arslan.mn

Эмийн үнийн өсөлтийн шалтгаан, нөхцөлийг хянан шалгах үүрэг бүхий түр хорооны нотлох баримтыг шинжлэн судлах сонсгол өнөөдөр (2024.04.16) хоёр дахь өдрөө Төрийн ордонд үргэлжилж байна.

Шинжээчийн танилцуулснаар Эрүүл мэндийн яам, Төрийн худалдан авах ажиллагаа, Нийслэлийн эрүүл мэндийн төв, аймгийн Эрүүл мэндийн төв зэрэг байгууллагад алба хашиж байгаа албан тушаалтнуудын хамаарал бүхий этгээд нь эмийн сан, эм үйлдвэр болон эм импортлох компанид ажилладаг зэрэг  асуудал хөндөгдөж байна. 

Энэ үеэр шинжээч Монгол Улсын хэмжээнд бүртгэлтэй байгаа

• эмийн үйлдвэрийн 50 хувь,
• эм ханган нийлүүлэх байгууллагын 28 хувь,
• эмийн сангийн 17 хувь нь төрийн байгууллагын эрх бүхий албан тушаалтны хамаарал бүхий ААН-үүд байна гэдгийг хэлээд төрийн байгууллага бүрээр хамаарлыг танилцуулсан юм.

Тухайлбал, Эрүүл мэндийн даатгалын ерөнхий газрын 97 албан тушаалтнаас 57 нь буюу 61.2 хувь нь эм хангамжийн хамаарал бүхий ААН-тэй гэж гарчээ.

Тухайлбал, Булган аймгийн Эрүүл мэндийн даатгалын хэлтсийн дарга М.Ууганболор  эмийн салбар дахь  “Буянт-Ану“ гэх компанитай хамааралтай гэж танилцуулагдлаа.