Arslan.mn

Өвөрхангай аймгийн Есөнзүйл сумын “Хөндий бор хошуу“ гэдэг газар 2024.08.08-ны өдрийн 01:00 цагийн орчим 2 өрхийн 510 гаруй бог мал аянгад цохиулж хорогджээ.

Есөнзүйл сумын Засаг даргын орлогчоор ахлуулсан ажилтанууд 2024.08.08-ны өдрийн 10:30 цагт аянга буусан газар очиход малчин Г, Т нарын 510 орчим бог мал аянгад цохиулж хорогдсон байсан тул сэг зэмийг устгахаар ажиллаж байгаа тухай мэдээллийг тус сумын Засаг даргын Тамгын газрын дарга аймгийн Онцгой байдлын газарт мэдээлсэн байна.  Сэг зэм устгах ажиллагаанд тус аймгийн Онцгой байдлын газрын Гал түймэр унтраах, аврах 12 дугаар ангийн алба хаагчид ажиллаж байна.