Arslan.mn

Хаврын мал төлөлт эхэлж, малчны хотод төлийн дуу цангинаж эхэллээ. Хурга ихэрлэхэд ард түмэн ихэд бэлгэшээдэг.

Тэгвэл Сүхбаатар аймгийн Эрдэнэцагаан сумын 1-р багийн малчин Э.Отгонбаярын хотод таван ихэр хурга төллөжээ.

Тус суманд могой жилийн хавар ээлтэй сайхан байгааг илэрхийлж байна хэмээн нутгийн ард түмэн бэлгэшээж байна. Ихэр төлийн эзэн Э.Отгонбаяр нь малч удамтай нэгэн. Түүний өвөө Д.Баясгалан нь 1964 онд Монгол Улсын аварга малчин болж, Сүхбаатар аймгаас төрсөн анхны таван эрхэм хүмүүний  нэг хэмээн хүндлэгдэж ирсэн билээ. Тэгвэл малч удмын хотноос төлийн дуу цангинаж, таван ихэр хурга гарлаа.