Америк доллар 
LIVEУул уурхайн салбарын хүрээнд Хэн, юу хэлэв?
Уул уурхайн салбарын хүрээнд өнгөрсөн долоо хоногт Хэн, Юу хэлсэн тухай танд хүргэж байна.
Уул уурхайн дэд сайд О.Эрдэнэбулган:Хөрөнгө оруулагчдын сонирхол илт сэргэж байна
2013 онд гадаадын хөрөнгө оруулалт буурсан тал бий. Хөрөнгө оруулалт буурахад олон хүчин зүйлс нөлөөлсөн Энэ оны эхний улирлын статистик мэдээллийг харахад тодорхой эерэг үзүүлэлтүүд гарч байна. 2014 оны эхний улирлын байдлаар гадаадын хөрөнгө оруулалт 540 сая ам.доллар болсон байна. Уул уурхайн салбарын аж үйлдвэрийн өсөлт 20 гаруй хувиар экспортын хэмжээ мөн оныхоос 20 орчим хувиар нэмэгдсэн байна. / Өдрийн сонин 2014.05.20 123/
УУЯ Төрийн нарийн бичгийн дарга Р.Жигжид: Ашигт малтмалын хууль батлагдсанаар хайгуулын ажил сэргэнэ
Хайгуулын зөвшөөрлөөр хязгаарлаж байсан талбайн хэмжээ буурсан. Өмнө нь газар нутгийн 40 гаруй хувийг эзэлдэг байсан бол одоо 7-8 хувьтай байна. Ашигт малтмалын хуульд өөрчлөлт оруулснаар тусгай зөвшөөрлийн хориг тавигдана. Өөрөөр хэлбэл, ашигт малтмалын тусгай зөвшөөрөл олгох, хооронд нь шилжүүлэх эрх нээлттэй болно гэсэн үг.Ингэснээр хайгуулын салбарын ажил идэвхжиж эдийн засагт эерэг нөлөө үзүүлэх боломж бүрдэнэ. / Зууны мэдээ 2014.05.20 116/
Уул уурхайн үндэсний ассоциацын гүйцэтгэх захирал Н.Алагаа: Жижиг эрх ашигт том зорилго нь дарагдчихаад байна
Хамгийн түрүүнд лицензийн хоригийг цуцлах хэрэгтэй. Яагаад гэхээр хайгуулын ажил Монголд 3жилийн хугацаанд бүрэн зогслоо. Санхүүжилт бүр байхгүй болсон. Хамгийн гол нь стратегийн орд дээр санал нэгдэхгүй байна. Урт нэртэй хуультай холбоотой эхэлсэн төслүүд зогсчихоод урт нэртэй хуулиар шийдэж чадаагүй буруу зохицуулсан зүйлээ Ашигт малтмалын тухай хуулиар зохицуулах гэж оролдоод байгаа нь эргээд энэ хуулийг зөв сайн болоход сөргөөр нөлөөлж байгааг ойлгох хэрэгтэй. / Үндэсний шуудан 2014.05.20 096/
УИХ-ын гишүүн Б.Бат-Эрдэнэ: Уул уурхайн далд эдийн засаг руу оруулахаар болчихлоо
Ашигт малтмалын тухай хуулийн төсөлд эхний гурван жил хайгуулын лицензийг хэн нэгэнд хэсэгчлэн болон бүхэлд нь зарахгүй. Гурав дахь жилийн төгсгөлөөс 10 хувь, зургаа дахь жилдээ 20 хувийг буцаан өгөх тухай заалт орсон. Энэ нь мөн зөрчилтэй байгаа юм. Гурван жилийн хугацаанд хайгуулын лицензийг наймааны хэрэгсэл болгохыг зогсоох асуудал боловч авч байгаа арга хэмжээ нь буруу, Энэ нь магадгүй уул уурхайн салбарын далд эдийн засаг руу буцаад оруулах магадлалтай. /Зууны мэдээ 2014.05.15 112/
