Arslan.mn

Discover Mongolia-уул уурхайн хөрөнгө оруулалтын бизнесийн форум 18 дахь жилдээ болж байна.

Хэлэлцүүлгийг Монголын бизнесийн зөвлөлийн УЗ-ийн гишүүн П.Ганхүү хөтөлж байгаа бөгөөд УУХҮ-ийн сайд Г.Ёндон,АМГТГ-ын дэд дарга н.Батмагнай, “Рио Тинто Монгол” компанийн гүйцэтгэх захирал Даниэл Воррал, Монгол дахь Америкийн худалдааны танхимын дэд дарга Н.Мөнхнасан зэрэг албаны хүмүүс оролцож байна.

Энэ үеэр УУХҮ-ийн сайд Г.Ёндон "Уул уурхайн салбарт хөрөнгө оруулалт татах хууль, эрх зүйн орчныг бүрдүүлнэ. Мөн эрдэс баялгийн бүтээгдэхүүний нэр төрлийг олшруулах шаардлагатай. Засгийн газар төмөр, ган, газрын тос боловсруулах, нүүрс баяжуулах үйлдвэр барихад ихээхэн анхаарч байна. Бид үндэсний эрх ашгийн дагуу ажиллана. УИХ-аас геологийн үндэсний төвийг байгуулах шийдвэр гаргасан нь сайн хэрэг. Ингэснээр геологийн судалгаа хайгуулыг илүү өргөн хүрээнд хийх боломж бүрдэнэ. Үндсэн хуульд оруулсан нэмэлт өөрчлөлтийн улмаас зарим хуульд нэмэлт өөрчлөлт оруулах шаардлагатай. Цаашид энэ салбарыг илүү нээлттэй, ил тод, хариуцлагатай болгон ажиллана." гэлээ.