Arslan.mn

Засгийн газрын өнөөдрийн ээлжит хуралдаанаар томилгоотой холбоотой нэг асуудал хэлэлцсэн байна. 

Тодруулбал Барилга, хот байгуулалтын яамны Төрийн нарийн бичгийн дарга С.Магнайсүрэнг Уул уурхай, хүнд үйлдвэрийн яамны Төрийн нарийн бичгийн даргын албан тушаалд шилжүүлэн ажиллуулах шийдвэрийг гаргажээ. 

Түүний хувьд төрийн албанд 20 жил ажилласан туршлагатай аж. 

Боловсрол:

• 1993 онд Говь-Алтай аймгийн 10 жилийн 1-р сургууль
• 1997 онд МУИС-ийн ХЗДС /эрх зүйч, бакалавр/
• 1999 онд МУИС-ийн ХЗДС /эрх зүйч, магистр/

Ажилласан байдал:

• 1997-1999 онд “Улаанбаатар-Эрдэм” дээд сургуульд багш, тэнхимийн эрхлэгч,
• 1999-2000 онд УИХ-ын Тамгын газарт УИХ-ын гишүүний туслах,
• 2000-2005 онд УИХ-ын тамгын газарт зөвлөх,
• 2005-2006 онд СБД-ийн ЗДТГ-т Тамгын газрын дарга,
• 2006-2007 онд ХХААЯ-нд Сайдын зөвлөх,
• 2007-2008 онд Сангийн яаманд Газрын дарга,
• 2008-2013 онд УИХ-ын Тамгын газарт Нарийн бичгийн дарга,
• 2015 оны 2-р сараас Хөдөлмөрийн яамны Төрийн нарийн бичгийн дарга,
• 2015 оны 10-р сараас Барилга, хот байгуулалтын яамны Төрийн нарийн бичгийн даргаар ажиллаж байна.