Arslan.mn

“Эрдэнэс Тавантолгой” ХК 2021 оны 4 дүгээр сараас 2022 оны 5 сарын хооронд БНХАУ-ын “Чалко” компаниас нүүрсээр төлөх нөхцөлтэйгээр 305.8 сая ам.долларын урьдчилгаа төлбөр авсан байна. Харин тус компанид онцгой дэглэм тогтоох үед дээрх урьдчилгаа төлбөрийн үлдэгдэл 275.1 сая ам.доллар байжээ. 

Онцгой дэглэм тогтоож, засаглалыг сайжруулан, олборлолт, борлуулалтын хэмжээг нэмснээр БНХАУ-ын “Чалко“ компаниас авсан 305.8 сая ам.долларын урьдчилгаа төлбөрийг хүүгийн хамт энэ сарын 12-ны өдөр бүрэн төлж барагдуулсан байна. “Эрдэнэс Тавантолгой” ХК онцгой дэглэмийн хугацаанд нүүрсний олборлолтыг 2.8, экспортыг 2.3, борлуулалтыг 3.7 дахин нэмэгдүүлж 2.3 тэрбум ам.долларын борлуулалтын орлоготой ажиллаж байгааг тус компани мэдээллээ.